काठमाडौं– कोरोना सक्रमणको जोखिम बढ्दै गएपछि सरकारले भारतसँगका नाकामा थप कडाइ गर्ने भएको छ । मन्त्रिपरिषद्को बैठकमा लकडाउनलाई कडाई गर्दै सीमामा सुरक्षाकर्मी परिचालन गरेरै भएपनि आवात जावत हुन नदिने बारे छलफल भएको हो । भारतमा कोरोना भाइरस संक्रमण अवस्था दिनप्रतिदिन फैलिदो अवस्थामा रहेकाले सीमा क्षेत्रमा थप सुरक्षा तैनाथीसहित कडाई गर्ने मनस्थितिमा सरकार पुगेको हो ।

काठमाडौं– सरकारले लकडाउनको अवधि बढाएर बैशाख १५ सम्म पुर्‍याएको छ । मङ्गलबार बसेको मन्त्रिपरिषद् बैठकले आगामी वैशाख १५ गते सम्मका लागि लकडाउन लम्बाउदै थप कडाइ गर्ने निर्णय गरेको हो । कोरोना सक्रमितको संख्या झन् बढ्दै गएपछि सरकारले पुन १२ दिन थपको हो । आजसम्म नेपालमा १६ जना कोरोना संक्रमित भेटिएका छन् ।

काठमाडौं– कोरना भाइरसको कारण विश्वभर १ अर्व भन्दा बढि मानिसले तत्कालको लागि आफ्नो जागिर गुमाउने प्रक्षेपण भएको छ । कोरानाको कारण रोजगारीका क्षेत्रमा असर पर्दा यसबाट १ अर्व भन्दा बढि मानिसले आफ्नो जागिरबाट हात धुनुपर्ने अवस्था आउने अन्तर्राष्ट्रिय श्रम संगठनको अध्ययनले देखाएको हो । मंगलबार सार्वजनिक भएको अध्ययनको प्रतिवेदनमा कोरोनाको कारण धेरै मानिसको जागरि जाने र कम तलब दिने अवस्था बढ्दै जाने परिस्थिति आउने उल्लेख छ ।