चैत्र १४, काठमाण्डौ- पछिल्लो २४ घण्टाको अवधिमा देशभर २ सय ६० जनामा कोरोना भाईरस संक्रमण (कोभिड-१९) पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको नमुना पिसिआर परिक्षणबाट २ सय ६० जनामा जनामा कोरोना संक्रमित पुष्टी भएको छ।
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या २ लाख ७८ हजार ४ सय ७० जना पुगेका छन् भने ३ हजार ३६ जनाको मृत्यु भएको छ ।
पछिल्लो २४ घण्टामा कोरोना भाईरसबाट १ सय १३ जना निको भएर घर फर्किएका छन् भने आज सम्ममा कुल २ लाख ७३ हजार ४ सय ५५ जन घर फर्केका छन् ।
नेपालमा अहिले सक्रिय संक्रमितको सङ्ख्या १ हजार ९ सय ७९ जना रहेका छन् ।