काठमाण्डौ, पछिल्लो २४ घण्टाको अवधिमा देशभर २ हजार २० जनामा कोरोना भाईरस संक्रमित (कोभिड-१९) पुष्टी भएको छ । आज थप ७ जनाको मृत्यु भएको छ । नेपालमा आज अहिले सम्मकै धेरै संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ११ हजार ४ सय ५८ जनामा गरिएको नमुना पिसिआर परिक्षण बाट २ हजार २० जनामा कोरोना संक्रमित पुष्टी भएको छ |
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या ६१ हजार ५ सय ९३ जना पुगेका छन् भने ३ सय ९० जनाको मृत्यु भएको छ ।
पछिल्लो २४ घण्टामा कोरोना भाईरस बाट निको भएर ८ सय ७१ जना घर फर्किएका छन् भने शुक्रबार सम्ममा कुल ४३ हजार ८ सय २० जना निको भएर घर फर्केका छन् ।
अहिले सम्म १७ हजार ३ सय ८३ जना सक्रिय संक्रमित रहेका छन् | ६ हजार ४ सय ३८ जना होम आईसोलेशनमा रहका छन् भने ९ हजार २ सय ९५ जना संस्थागत आईशोलेशनमा रहका छन् ।
