काठमाण्डौ, पछिल्लो २४ घण्टाको अवधिमा देशभर १ हजार सय ३९ जनामा कोरोना भाईरस संक्रमित (कोभिड-१९) पुष्टी भएको छ । आज थप ९ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ९ हजार १ सय ६५ जनामा गरिएको नमुना पिसिआर परिक्षण बाट १ हजार सय ३९ जनामा कोरोना संक्रमित पुष्टी भएको छ । जसमा काठमाडौंमा मात्रै ४ सय ८३ जना थपिएका छन्।
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या ५४ हजार ४ सय ६९ जना पुगेका छन् भने ३ सय ४५ जनाको मृत्यु भएको छ ।
पछिल्लो २४ घण्टामा कोरोना भाईरस बाट निको भएर १ हजार १ सय ७३ जना घर फर्किएका छन् भने आज सम्ममा कुल ३३ हजार ६ सय ९७ जना निको भएर घर फर्केका छन् ।
अहिले सम्म १५ हजार १ सय १७ जना सक्रिय संक्रमित रहेका छन् । ७ हजार ३ सय ८७ जना होम आईसोलेशनमा रहका छन् भने ७ हजार ७ सय ३० जना संस्थागत आईशोलेशनमा रहेका छन् ।
