काठमाडौं– भरतपुर महानगरपालिकाको वडा नम्वर १९मा फेरी मतदान गराउने निर्वाचन आयोगको निर्णयविरुद्ध संसद अवरोध गर्दै आएको प्रमुख प्रतिपक्षी दल एमालेले प्रधानमन्त्री चयनका लागि निर्वाचनको मिति तोकिएको आइतबारको संसद पनि चल्न दिएन ।
आइतबार बिहान ११ बजे मतदानको समय निर्धारण गरि संसद संसद बैठक डाकिएपनि संसद बस्दै नबसी स्थगित भयो । अब संसद २३ गते दिउँसो १ बजे बस्नेछ । संसद भवनमा बसेको प्रमुख दलका शिर्ष नेताहरु सम्मिलित बैठकमा एमाले अध्यक्ष केपी शर्मा ओलीले थप छलफल गर्नका लागि २ दिनको समय मागेकाले संसद २ दिन पछि सारिएको कांग्रेस सभापति शेरबहादुर देउवाले बताउनुभयो ।
