पोखरा–जेठ २९ । पश्चिमाञ्चल गोर्खा भूपु सैनिक संघ भारतीय सैनिकको आयोजनामा संचालन भएको प्रथम गोर्खा भूपु सैनिक गोल्डकप बास्केटबलको उपाधि ८ जिआरले जितेको छ ।
पोखराको काजि पोखरीस्थित बास्केटबल कोर्टमा भएको फाइनल खेलमा प्रथम ५ जिआरलाई ५१–७० को सेटमा पराजित गर्दै तेस्रो ८ जिआरले उपाधि जितेको हो । भूपु सैनिकहरुको १७ टिमको सहभागिता रहेको प्रतियोगिता जेठ २३ गतेदेखि सुरु भएको थियो ।
प्रथम हुने टिम ८ जिआरले २० हजार नगदसहित ट्रफि र मेडल जितेको छ भने दोश्रो हुने टिम ५ जिआरले १५ हजार नगदसहित ट्रफि र मेडल हात परेको छ ।
