काठमाडौँ- पछिल्लो २४ घण्टाको अवधिमा देशभर २ हजार ६२२ जनामा कोरोना भाईरस संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरमा ७ हजार ४९९ पीसीआर परिक्षणबाट १ हजार ७४५ र ४ हजार २८ एन्टीजेन विधिबाट ८७७ गरी कुल २ हजार ६२२ जनामा कोरोना संक्रमण पुष्टी भएको छ।
थप २३ जनाको मृत्यु भएको मन्त्रालयले जनाएको छ । यो बृद्दि संगै नेपालमा कोरोना भाईरस संक्रमणबाट मृत्यु हुनेको संख्या ९ हजार २४८ पुगेको छ ।
पछिल्लो २४ घण्टामा कोरोना भाईरसबाट २ हजार २११ जना निको भएका छन्।
देशभर सक्रिय संक्रमितको संख्या २५ हजार ६९० जना रहेका छन् ।