काठमाडौं– चैत २४ । सरकारको नेतृत्व गरेको नेकपा एमाले आफैले सरकारका कामकारबाही सन्तोषजनक नभएको ठहर गरेको छ ।
बुधबारको पोलिट्ब्यूरो बैठकमा सहभागी सदस्यहरूले सरकारका कामकारबाही सन्तोषजनक नभएको भन्दै असन्तुष्टि जनाएका हुुन् । यस्तै, बैठकमा राष्ट्रिय राजनीति र पार्टीका गतिविधिबारे छलफल भएको सचिव योगेश भट्टराईले जानकारी दिनुभएको छ ।
बैठकमा अध्यक्ष एवम् प्रधानमन्त्री केपी ओलीले पेश गर्नुभएको राजनीतिक प्रतिवेदनमाथि छलफल सुरु भएको छ । विधान संशोधनको विषयलाई समेत बैठकमा प्रथामिकता दिइएको नेताहरूले बताएका छन् ।