काठमाडौँ- पछिल्लो २४ घण्टाको अवधिमा देशभर ४ हजार ४७२ जनामा कोरोना भाईरस संक्रमण (कोभिड-१९) पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरमा १२ हजार २ पीसीआर परिक्षणबाट ३ हजार ३७० र ५ हजार ९०१ एन्टीजेन विधिबाट १ हजार १०२ गरी कुल ४ हजार ४७२ जनामा कोरोना संक्रमण पुष्टी भएको छ।
थप ९२ जनाको मृत्यु भएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा कोरोना भाईरसबाट ६ हजार ९५१ जना निको भएका छन्।
नेपालमा अहिले सक्रिय संक्रमितको संख्या ८५ हजार ५४४ जना रहेका छन् ।