चैत्र १४, काठमाण्डौ, पछिल्लो २४ घण्टाको अवधिमा देशभर २ सय ६६ जनामा कोरोना भाईरस संक्रमित (कोभिड-१९) पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको ४ हजार ५ सय ३६ नमुना पिसिआर परिक्षणबाट २ सय ६६ जनामा जनामा कोरोना संक्रमित पुष्टी भएको छ। थप ४ जनाको मृत्यु भएको छ।
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या २ लाख ७८ हजार २ सय १० जना पुगेका छन् भने ३ हजार ३६ जनाको मृत्यु भएको छ ।
पछिल्लो २४ घण्टामा कोरोना भाईरस बाट निको भएर १ सय २ जना घर फर्किएका छन् भने आज सम्ममा कुल २ लाख ७३ हजार ३ सय ४२ जना निको भएर घर फर्केका छन् ।
नेपालमा अहिले सक्रिय संक्रमितको सङ्ख्या १ हजार ८ सय ३२ जना रहेका छन् ।