काठमाडौँ- पछिल्लो २४ घण्टाको अवधिमा देशभर ३ सय १५ जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरमा ९ हजार ३८६ पीसीआर परिक्षणबाट २७२ र २ हजार ४२४ एन्टीजेन विधिबाट ४३ गरी कुल ३१५ जनामा संक्रमण पुष्टी भएको छ।
गत २४ घण्टामा कोरोना संक्रमणका कारण २ जनाको मृत्यु भएको छ ।
आज ३०४ जना निको भएर घर फर्केका छन् ।
२४ घण्टामा थप १ लाख २७ हजार ७५३ जनाले कोरोना भाईरस बिरुद्द खोप लगाएका मन्त्रालयले जनाएको छ ।
नेपालमा सक्रिय संक्रमितको संख्या ६ हजार ३५२ रहेको छ ।
