काठमाडौँ- पछिल्लो २४ घण्टाको अवधिमा देशभर ४ सय ४७ जनामा कोरोना भाईरस संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरमा ६ हजार ५७७ पीसीआर परिक्षणबाट ३९५ र ३ हजार ३३६ एन्टीजेन विधिबाट ५२ गरी कुल ४४७ जनामा संक्रमण पुष्टी भएको छ। यो संगै पिसीआर परिक्षणबाट कोरोना संक्रमण पुष्टी हुनेको संख्या ८ लाख १३ हजार ८२८ रहेको छ।
२४ घण्टामा थप ७ जनाको कोरोना संक्रमणका कारण मृत्यु भएको छ । नेपालमा कोरोनाका कारण मृत्यु हुनेको संख्या ११ हजार ४३४ पुगेको छ ।
पछिल्लो २४ घण्टामा संक्रमणबाट ४ सय ३९ जना निको भएका छन्। संक्रमण पुष्टी भएका मध्ये निको हुने डर ९७.५ प्रतिशत रहेको छ।
सक्रिय संक्रमितको संख्या ९ हजार १२३ रहेको छ ।
