बैशाख ११, काठमाडौँ- पछिल्लो २४ घण्टाको अवधिमा देशभर २६ सय १८ जनामा कोरोना भाईरस संक्रमण (कोभिड-१९) पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरमा ७ हजार ५ सय २५ पिसिआर परिक्षणबाट २४ सय ८६ जना र ११ सय ४३ एन्टीजेनबाट १३३ गरी कुल २६ सय १८ जनामा कोरोना संक्रमण पुष्टी भएको छ। थप १४ जनाको कोरोना संक्रमणबाट मृत्यु भएको छ ।
यो वृद्धिसँगै नेपालमा कोरोना भाईरस बाट संक्रमण हुनेको सङ्ख्या २ लाख ९७ हजार ८७ जना पुगेका छन् भने ३ हजार १ सय ३६ जनाको मृत्यु भएको छ ।
पछिल्लो २४ घण्टामा कोरोना भाईरसबाट २ सय ६८ जना निको भएर घर फर्किएका छन् । अहिले सम्म निको हुनेमा २ लाख ७७ हजार १ सय २३ रहेका छन् ।
नेपालमा सक्रिय संक्रमितको सङ्ख्या १६ हजार ८ सय २८ रहेको छ ।
