बैशाख १०, काठमाडौँ- पछिल्लो २४ घण्टाको अवधिमा देशभर २५ सय ५९ जनामा कोरोना भाईरस संक्रमण (कोभिड-१९) पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरमा ८ हजार ७ सय ९८ पिसिआर परिक्षणबाट २४ सय ३९ जना र ८६६ एन्टीजेनबाट ११० गरी कुल २५ सय ५९ जनामा कोरोना संक्रमण पुष्टी भएको छ। थप ५ जनाको कोरोना संक्रमणबाट मृत्यु भएको छ ।
यो वृद्धिसँगै नेपालमा कोरोना भाईरस बाट संक्रमण हुनेको सङ्ख्या २ लाख ९४ हजार ६ सय १ जना पुगेका छन् भने ३ हजार १ सय २२ जनाको मृत्यु भएको छ ।
पछिल्लो २४ घण्टामा कोरोना भाईरसबाट ४ सय १० जना निको भएर घर फर्किएका छन् । अहिले सम्म निको हुनेमा २ लाख ७६ हजार ७ सय ५५ रहेका छन् ।
नेपालमा सक्रिय संक्रमितको सङ्ख्या १४ हजार ७ सय २४ रहेको छ ।
