बैशाख ४, कोभिड-१९ सङ्कट व्यवस्थापन केन्द्र सीसीएमसीको बैठक आज दिउँसो २ बजे प्रधानमन्त्रीको कार्यालय सिंहदरबारमा बस्ने भएको छ ।
बैठकमा बढ्दो कोरोनाको सङ्क्रमण जोखिम र जोखिम कम गर्ने विषयमा छलफल हुने भएको छ ।
नयाँ प्रजातिको कोरोना भाईरस समुदायमा फैलिएको र यसबाट बालबालिका उच्च जोखिममा रहेको भनेर शिक्षिक संस्था बन्द गर्न दबाब आईरहेको बेला आज बैठक बस्न लागेको हो ।
शुक्रबार संसदीय समितिले पनि तत्काल बन्द गर्न सरकारलाई शुक्रबार निर्देशन दिएको थियो । स्वास्थ्य तथा जनसंख्या मन्त्रालयलका अनुसार हिजो मात्र ८१ बालबालिकामा कोरोना संक्रमण पुष्टी भएको थियो ।
