चैत्र ३०, काठमाण्डौ- पछिल्लो २४ घण्टाको अवधिमा देशभर ५ सय ५९ जनामा कोरोना भाईरस संक्रमण (कोभिड-१९) पुष्टी भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा ४३७८ पिसिआर परिक्षणबाट ४ सय ९६ र ७२७ एन्टिजेन परीक्षणबाट ६३ जना गरी जम्मा ५ सय ५९ कोरोना संक्रमण पुष्टी भएको छ। थप १३ जनाको मृत्यु भएको छ ।
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या २ लाख ८० हजार ५ सय २४ जना पुगेका छन् भने ३ हजार ५३ जनाको मृत्यु भएको छ ।
पछिल्लो २४ घण्टामा कोरोना भाईरसबाट १ सय ३८ जना निको भएर घर फर्किएका छन् भने आज सम्ममा कुल २ लाख ७४ हजार १ सय ६५ जना घर फर्केका छन् ।
नेपालमा अहिले सक्रिय संक्रमितको सङ्ख्या ३ हजार ३ सय ६ जना रहेका छन् ।
