काठमाण्डौ, पछिल्लो २४ घण्टाको अवधिमा देशभर ३ हजार ३ सय ९ जनामा कोरोना भाईरस संक्रमित (कोभिड-१९) पुष्टी भएको छ । आज थप ३० जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १३ हजार १ सय ४४ जनामा गरिएको नमुना पिसिआर परिक्षण बाट ३ हजार ३ सय ९ जनामा कोरोना संक्रमित पुष्टी भएको छ। नयाँ संक्रमितमध्ये १८७८ जना काठमाडौं उपत्यकाका छन्, जसमध्ये काठमाडौंका १५७० जना, ललितपुरका १८९ जना र भक्तपुरका ११९ जना छन् ।
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या १ लाख ८३ हजार ९ सय २३ जना पुगेका छन् भने १ हजार ३४ जनाको मृत्यु भएको छ ।
पछिल्लो २४ घण्टामा कोरोना भाईरस बाट निको भएर ३ हजार ८ सय ४४ जना घर फर्किएका छन् भने मंगलबार सम्ममा कुल १ लाख ४४ हजार ९ सय ७८ जना निको भएर घर फर्केका छन् ।
अहिले सक्रिय संक्रमितको सङ्ख्या ३६ हजार ९ सय ११ जना रहेका छन् ।