काठमाण्डौ, पछिल्लो २४ घण्टाको अवधिमा देशभर ३ हजार ७ सय ९० जनामा कोरोना भाईरस संक्रमित (कोभिड-१९) पुष्टी भएको छ । आज थप १८ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १५ हजार ७ सय १४ जनामा गरिएको नमुना पिसिआर परिक्षण बाट ३ हजार ७ सय ९० जनामा कोरोना संक्रमित पुष्टी भएको छ ।
यो वृद्धिसँगै नेपालमा कोरोना भाईरस (कोभिड-१९) बाट संक्रमण हुनेको सङ्ख्या १ लाख ३६ हजार ३६ जना पुगेका छन् भने ७ सय ५७ जनाको मृत्यु भएको छ ।
पछिल्लो २४ घण्टामा कोरोना भाईरस बाट निको भएर २३ सय ३५ जना घर फर्किएका छन् भने शुक्रबार सम्ममा कुल ९४ हजार ५ सय १ जना निको भएर घर फर्केका छन् ।
अहिले ४० हजार ७ सय ७८ जना सक्रिय संक्रमित रहेका छन् । २५ हजार ४६ जना होम आईसोलेशनमा रहका छन् भने १३ हजार ८ सय ५१ जना संस्थागत आईशोलेशनमा रहका छन् ।
