शुक्रबार काठमाडौँ उपत्यकामा ४ सय १५ सहित ९ सय २७ जनामा कोरोना संक्रमण पुष्टी, थप १२ जनाको मृत्यु

काठमाण्डौ,  पछिल्लो २४ घण्टाको अवधिमा नेपालमा ९ सय २७ जनामा कोरोना भाईरस संक्रमित (कोभिड-१९) पुष्टी भएको छ |

स्वास्थ्य तथा जनसंख्या मन्त्रालयका अनुसार देशभरका विभिन्न  प्रयोगशालामा १०  हजार २  सय २९ जनामा गरिएको नमुना पिसिआर परिक्षणबाट ९ सय २७ जनामा कोरोना संक्रमित पुष्टी भएको छ भने काठमाडौं जिल्लामा मात्र ३५० ,  ललितपुरमा ११  र भक्तपुरमा ५४   संक्रमित भेटिएका छन् । आज उपत्यकामा अहिले सम्मकै बढी संक्रमित पुष्टि भएको हो |

कोरोना भाईरस (कोभिड-१९) संक्रमणबाट आज थप १२ जनाको मृत्यु भएको छ | नेपालमा कोरोना भाइरस (कोभिड-१९) संक्रमणबाट मृत्यु हुनेको संख्या १ सय ९५ पुगेको छ।

यो वृद्धिसँगै कोरोना भाईरस (कोभिड-१९) बाट संक्रमण हुनेको सङ्ख्या ३६ हजार ४ सय ५६ जना पुगेका छन् |

पछिल्लो २४ घण्टामा कोरोना भाईरस बाट निको भएर १ सय ६९ जना घर फर्किएका छन् भने शुक्रबार सम्ममा कुल  २० हजार २ सय ४२  निको भएर घर फर्केका छन् ।

अहिले सम्म १६ हजार १९ जना सक्रिय संक्रमित रहेका छन् | ६ सय ४० जना होम आईसोलेशनमा रहका छन् भने ९ हजार ५ सय ७३ जना संस्थागत आईसोलेशनमा रहका छन् |

 

Published On:  185पटक हेरिएको

तपाईको प्रतिक्रिया