काठमाडौं – मंसिर । दुर्गममा सामान्य स्वास्थ्य उपचारको अभावमा नागरिकको मृत्यु भईरहदा भीआइपी उपचारको नाममा भने गणतन्त्र स्थापना पछी मात्रै राज्यकोषबाट ४ अर्ब भन्दा रकम खर्च भएको छ । यसरी जनताले तिरेको करबाट आफ्नो आसेपासेलाई रकम बितरण गर्ने गणतन्त्र नेपालका प्रधानमन्त्री मध्ये सबै भन्दा बढी रकम तत्कालिन प्रधानमन्त्री तथा ने क पा एमालेका अध्यक्ष के पी शर्मा ओलीको पालामा भएको छ । उनले आफ्नो प्रधानमन्त्री कालमा राज्य कोषबाट २५ करोड भन्दा बढी रकम बितरण गरेका छन् ।
त्यस्तै राज्यको कोषबाट उपचारका नाम रकम बितरण गर्ने मध्ये दोस्रो नम्बरमा तत्कालिन एमाओवादी नेता तथा प्रधानमन्त्री बाबुराम भट्टराई परेका छन् । उनको प्रधानमन्त्री कालमा झण्डै २० करोड भन्दा बढी रकम राज्यकोषबाट बितरण गरेको पाईएको छ । नेकपा एमाले कै अर्का नेता माधवकुमार नेपालको प्रधानमन्त्री कालमा उपचार खर्चका नाम राज्यकोषबाट झन्डै १८ करोड भन्दा बढी रकम बितरण भएको छ भने राज्यकोषबाटै मोटो रकम बितरण गर्ने अर्का प्रधानमन्त्री हुन् तत्कालिन नेपाली काङग्रेसका सभापती शुशिल कोईराला । उनको प्रधानमन्त्री कालमा राज्यकोषबाट झन्डै १७ करोड भन्दा बढी रकम भिआईपीको उपचार खर्चका नाममा दुररुपयोग भएको छ । त्यसै गरी चुनावी सरकारका रुपमा मन्त्री परिषदको अध्यक्ष बनेका खिलराज रेग्मीले करिव १६ करोड, नेकपा एमालेका नेता तत्कालिन प्रधानमन्त्री झलनाथ खनालले करिव १५ करोड भन्दा बढी रकम बितरण गरेका छन् । आफ्नो प्रधानमन्त्री कालमा सबभन्दा कम रकम बितरण गर्ने प्रधानमन्त्री गणतन्त्र नेपालका चुनावी सरकारका प्रधानमन्त्री पुष्पकमल दहाल प्रचण्ड हुन् । उनले आफ्नो पहिलो प्रधान्नमन्त्री कालमा करिव ६ करोड रकम बितरण गरेका छन् । त्यसै गरी शान्ती प्रकृया पछी बनेको पहिलो सरकार प्रधानमन्त्री गिरिजाप्रसाद कोईरालाले करिव ८ करोड बितरण गरेको तथ्यङ्कले देखाउछ् । जनताको हक र स्वतन्त्रताको लागी भएको दोस्रो जनआन्दोलनबाटै सत्तामा पुगेका नेताहरुलाई राज्यकोषबाट उपचार खर्चका नाममा मोटो रकम लिन दिन न कुनै अवरोध छ, न त कुनै कानुनको पालना ?
यस्तो छ उपचार खर्च लिनेको तथ्यङ्क :
उपचारका नाममा राज्य कोषबाट रकम लिनेको अग्रस्थानमा पूर्व कांग्रेस सभापति शुसिल कोइराला छन् उनले नौ पटक गरेर राज्यकोषबाट १ करोड ८७ लाख १७ हजार ९ सय ७४ रुपैया उपचार तथा आर्थिक सहायताका नाममा बुझेको देखिन्छ । यसपछि उपचारका लागि राज्यकोषबाट नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले १ करोड २६ लाख ३५ हजार १ सय ३७ रुपैया लिएको देखिन्छ । पूर्वराष्ट्रपति रामवरण यादवले भारत र अमेरिकामा उपचार गर्दा सरकारबाट ७० लाख रुपैया लिएका छन् । त्यस्तै भ्रष्टचारको मुद्दामा जेल गएर आएका पूर्वगृहमन्त्री खु्मबहादुर खड्कालाई पनि सरकारले २० लाख रूपैया स्वास्थ्य उपचारका लागि भन्दै दिएको थियो । यी त स्वास्थ्य उपचारका नाममा राज्यबाट रकम लिने केही उच्च पदस्थ व्यक्ति हुन् यी वाहेक कयौं नेताहरूले स्वास्थ्य उपचारको नाममा लाखौं रूपैया लिएको देखिन्छ । देशका दुर्गम ठाउँका जनताले स्वास्थ्य उपचार नपाएर मरिरहदा सम्पन्न नेताहरूलाई भने लुटैलुट र छुटैछुट छ ।भीआइपी उपचारको नाममा यसरी राज्य कोषको दुरूपयोग हुनु सामान्ती संस्कारकै पुनारावृति भएको विश्लेषकहरू बताउछन् । देशमा गणतन्त्र स्थापना भएको यतिका बर्ष वित्तिसक्दा समेत राज्यकोष राणाकालीन समय र राजतन्त्रकै शैलीमा दोहन भइरहेको राजनितीक बिश्लेषक कपिल श्रेष्ठ बताउछन् ।
दोस्रो जनआन्दोलन यताको १० वर्षमा सरकारले आर्थिक सहायता सम्बन्धी बजेटमा ८ सय प्रतिशत भन्दा बढीले वृद्धि गरेको छ । एकै वर्ष सरकारले साढे २ अर्ब रुपैया सम्म आर्थिक सहायता र उपचार खर्चका नाममा रकम वितरण गरेको देखिन्छ । आव ०६३ र ६४ देखि ०७३ र ७४ सम्म आइपुग्दा सरकारले आर्थिक सहायता र उपचार खर्चका नाममा ३ अर्ब ८८ करोड ९ लाख ७६ रुपैया खर्च गरेको तथ्याङ्क छ । पछिल्लो समय स्वास्थ्य मन्त्रालयले भीआइपीको स्वास्थ्य उपचार खर्च सिमित गरेर १५ लाख बनाउने तयारी गरीरहेका बेला सरकारले यसको वेवस्ता गर्दै कांग्रेस नेतृ सुजता कोइरालालाई ५० लाख दिने निर्णय ग¥यो । जसको जनस्तरबाट चर्को आलोचना पनि भए पछी नेताको उपचार खर्चका नालीवेली बाहिर आउन थालेको छन् ।
