इटालीको दक्षिण पश्चिम पेरुगिया नजिकैको नोर्सियालाई केन्द्रविन्दु बनाएर ६ दशमलव २ रेक्टर स्केलको भूकम्पमा परि ३८ जनाको ज्यान गएको छ । भुकम्पका कारण इटालीका लेजियो, अकुमाली, प्रेस्कारा डेल टोरन्टो लगायतका स्थानमा घरहरु भत्किएको त्यहाँका सरकारी अधिकारीहरुले जनाएका छन ।
पहिलो भुकम्प गएको आधा घण्टामै पराकम्प गएको थियो । घटनाबारे थप विवरण आउने क्रम जारी छ । यसअघि सन् २००९ मा ६ दशमलव ३ रेक्टर स्केलको भुकम्प जाँदा ३ सय ९ को मृत्यु भएको थियो । त्यसैगरि बर्मामा पनि ६ दशमलव ८ रेक्टर स्केलको भुकम्प गएको छ । भुकम्पको धक्का काठमाण्डौसम्म महशुश गरिएको थियो ।
