काठमडौं–भदौ ४ । नेकपा माओवादी केन्द्रले पार्टी अध्यक्ष पुष्पकमल दाहाल नेतृत्वको सरकारलाई सहयोग गर्न ११ सदस्यीय सरकार सञ्चालन सहयोग समिति गठन गरेको छ ।
अध्यक्षको नीजि निवास लाजिम्पाटमा बसेको पार्टी हेड्क्वाटर बैठकले नारायणकाजी श्रेष्ठको नेतृत्वमा रामबहादुर थापा बादल, कष्णबहादुर महरा, मात्रिका यादव, वर्षमान पुन, गिरिराजमणी पोखरेल, देव गुरुङ, टोपबहादुर रायमाझी, हरिबोल गजुरेल, पम्फा भुषाल र तिलक परियार सदस्य रहने ११ सदस्यीय कमिटी गठन गरेको हो । त्यस्तै, बैठकले गोपाल किरातीलाई क्षेत्र नम्बर १ र शक्तिबहादुर बस्नेतलाई क्षेत्र नम्बर ६ को ईन्चार्जको जिम्मेवारी दिएको छ ।
माओवादी केन्द्रले रामबहादुर थापा बादलको नेतृत्वमा १३ सदस्यीय संगठन विभाग पनि गठन गरेको छ । जसमा ७ प्रदेशका ईन्चार्ज, नेता टोपबहादुर रायमाझी, गिरिराजमणी पोखरेल, मणी थापा र नेतृ जयपुरी घर्ती सदस्य रहनेछन् ।
