म्याग्दी–साउन ३२ । म्याग्दीको बेगखोलामा नेपालकै लामो झोलुङ्गे पुल निर्माण सुरु भएको छ ।
करिब तीन करोड २२ लाखको लागतमा ३ सय ६५ दशमलग ८ मिटर लामो झोलुङ्गे पुल निर्माणको काम अघि बढाइएको हो । म्याग्दीका स्थानीय विकास अधिकारी चिरञ्जिवी पौडेलले पुलको शिलान्यास गर्नुभएको छ । बेगखोला ५ र ७ नम्बर वडामा पर्ने बादुक गाउँ जोड्ने यो पुल नेपालकै लामो हुने जिल्ला प्राविधिक कार्यालयका इञ्जिनियरको दाबी रहेको छ ।
बाग्लुङको काठेखोला माथि निर्माण भएको ३ सय ५९ मिटर लामो पुललाई अहिलेसम्म नेपालको लामो पुल मानिन्छ ।
