काठमाडौं–बैशाख १५ । आउँदो असार ४ र ५ गते हुने सातौं कोरियन भाषा परीक्षाका लागि आवेदन खुल्ला भएको छ ।
कोरिया शाखाले बुधबारबाट खुल्ला भएको आवेदन बिहान ९ बजेदेखि बेलुका ६ बजेसम्म दिन सकिने व्यवस्था मिलाएको जानकारि दिएको छ । आवेदकले आजदेखि बैशाख १८ गतेसम्म आवेदन दिन सक्नेछन् ।
काठमाडौं उपत्यकामा ललितपुरको च्यासल फुटबल खेल मैदान, महेन्द्र आदर्श विद्याश्रम सातदोबाटो, काठमाडौं भ्याली उच्च मावि महाराजगञ्ज, ल्याबरोटरी उच्च मावि कीर्तिपुर, र नेपाल वेद विद्याश्रम संस्कृत मावि गौशालामा आवेदन फारम भर्न सकिनेछ । 
यस्तै, आवेदकको सुविधाका लागि काठमाडौं बाहिर धरान, बुटवल, पोखरा, डडेल्धुरा र जनकपुरमा समेत ईपीएस भाषा परिक्षाका परीक्षार्थीले आवेदन दिन सक्नेछन ।
