दोलखा, ३० फागुन ।
पुनर्निर्माण प्राधिकरणले आइतबारबाट पुनर्निर्माण अभियान शुरुवात गरेको छ ।
प्राधिकरणले भूकम्पबाट अति प्रभावित दोलखाको उत्तरी सिँगटी गाविसबाट राष्ट्रिय पुनर्निर्माण अभियान शुरु गरेको हो ।
पुनर्निर्माण अभियान दोलखाबाट सुरु
अभियानअन्तर्गत प्राधिकरणले भूकम्पपीडितलाइ स्थायी आवास निर्माण गर्न पहिलो किस्ताबापत सरकारले घोषणा गरेको अनुदानबापतको ५० हजार रुपैयाँ वितरण गरेको छ । प्राधिकरणले पहिलो चरणमा उत्तरी लादुक गाविस वडानम्बर –८ र लामिडाँडा गाविस वडानम्बर –६ का भूकम्पपीडितलाई पहिलो किस्ताबापतको रकम हस्तानतरण गरेको छ ।
अनुदान वितरणका लागि प्राधिकरणका सहसचिव रामप्रसाद थपलिया नेतृत्वको टोली दोलखा पुगेको थियो । प्राधिकरणले बिहीबार संघीय मामिला तथा स्थानीय विकास मन्त्रालयमार्फत २६ करोड ५६ लाख ५० हजार रुपैयाँ निकासा गराएर काम अघि बढाएको हो ।