उम्मेद्वार जिताउन प्रचार प्रसार

फाुगन २१ । कांग्रेसको १३ औ महाधिवेशनको बन्दशत्र स्थल भृकुटीमण्डप बाहिर नेता कार्यकर्ता आफ्नो पक्षको प्यानल र उम्मेद्धारलाई जिताउन तीब्र रूपमा प्रचार प्रशारमा जुटेका छन् । उनीहरुले उम्मेद्धवार र प्यानलको तस्विर अंकित ब्यानर, पर्चा सहित नाराजुलुस गर्दै निर्वाचनप्रतिनीधिसँग भोट माग्दै हिडेको देखिन्छन् । नारा जुलुस मात्र होइन, आफ्नो प्यानलको पक्षमा मत जुटाउन कार्यकर्ताहरुले आफ्नो स्थानीय क्षेत्रको भाकामा गीत गाउँदै भोट मागेका छन् । भोट माग्ने शैली नाराजुलुस गर्ने, गीत गाउने मात्र नभई केही कार्यकर्ताहरुले नयाँ प्रबिधीको प्रयोग गर्दै भोट मागिरहेका छन् । हजारौ कांग्रेस नेता कार्यकर्ताको बाक्लो भीडमा एउटा यन्त्रमानव पनि आफ्नो पक्षको नेतालाई निर्वाचित गराउन भोट माग्दै हिडिरहेको देखियो । बन्दसत्रस्थल बाहिर पर्दशनीमार्ग देखि बागबजार आसपासका क्षेत्र उम्मेद्धवारको प्रचार सामग्रीले रंगिएका छन् ।